आर डि क्रीएशन/ ७ नोभेम्बर, कुवेत। सुनसरिको प्रमुख शहर इटहरीको मुख्य चोकमा रहेको एक पसलमा आगलागी भएको छ ।
दिउँसो झन्डै साढे एक बजे तिर आगो भएपछी निभाउनका लागि सुनसरीको धरान, इनरुवा, इटहरी, मोरङको विराटनगर, सुन्दरहरैचाका दमकल पुगेका छन । प्रहरीका अनुसार सामसुङ शोरुम रहेको घरमा लागेको आगलागीको कारण खुल्न सकेको छैन ।
आगो निभाउन प्रहरी र ठूलो संख्यामा नगरबासीहरु पनि लागेका छन । आगलागी नियन्त्रणको प्रयास जारी रहेको जिल्ला प्रहरी कार्यालय सुनसरीका डीएसपी ज्ञानेन्द्र फुयाँलले जानकारी दिएका छन।
घटना दिउँसो भएकोले मानव क्षेती नभए पनि निक्कै ठूलो धनमालको क्षेती भएको अनुमान गरिएको छ।
